जिन्दगी जिन्दावाद ।

| 2023 Dec 08 | 01:49 pm 1137

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                              सुर्य प्रसाद खनाल

आशाबाट निराश  भएपछि
हिनेको बाटो सकिएपछि
फर्किने गोरेटाहरुपनि मेटिएपछि
बचनका बाणहरुले छाती रेटीएपछि
आकाश खसेपछि
शास बसेपछि
तव पो जिवन प्रिय लाग्ने रहेछ ।
यात्राहरुमा रोकिएपछि
चट्टानहरुमा ठोकिएपछि
घाउका खोटहरुको रापले
मुटुका चोटहरुको चापले
चरचर छाती चहराएपछि
ऐया भन्दै हृदय कहराएपछि
अहो
बल्ल पो जिवनको माँया लाग्दो रहेछ ।।
साच्चै जिवन प्रिय लाग्दो रहेछ ।
अँ आफ्नो जिवन बुझ्न पनि
चोटहरुले हिर्काउनु पर्दो रहेछ ।
यात्राहरुले मिल्काउनु पर्दाे रहेछ ।
नत्र त मान्छे ले अरुलाई छातीमा राखेर
आफैलाई मेटाउदो रहेछ ।
घाउका खोटहरु
मुटुका चोटहरु
हावाको वेगमा
भोगाइको आवेगमा
जव मान्छेले मेट्छ
तव बल्ल जिवन बुझदछ
तर कायर मान्छेहरु यहि यात्रामा सकिन्छन ।
हिनेको बाटो बुझेपछि
यात्रा बुझेपछि
खाएका ठक्कर बुझेपछि
ठक्करका मर्म र सिकाएका सवक बुझेपछि
भ्रम बुझेपछि
जाल, झेल र छल कपटको जिवनबाट
मुक्ती पाएको महसुष भएको दिन
साच्चीकै जिवन प्रिय लाग्ने रहेछ ।
धुर्कोट गाउँपालिका ०७, गुल्मी

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.