काठमाडौं, माघ २४ : विभिन्न किसिमका बाहानामा चन्दा संकलन गर्ने एक जनालाई प्रहरीले पक्राउ गरेको छ । पक्राउ पर्नेमा काठमाडौं किर्तिपुर नयाँ बजार बस्ने भोजपुर घर भएका ३० वर्षीय मनोज श्रेष्ठ रहेका छन् ।
उनलाई नगद ९ हजार ३ सय २५ रुपैयाँसहित बुढानिलकण्ठ नगरपालिका–८ हात्तीगौडाबाट जबरजस्ती चन्दा उठाउँदै गर्दा प्रहरीले पक्राउ गरेको छ ।
महानगरीय प्रहरी प्रभाग बुढानिलकण्ठबाट खटिएको प्रहरीले हात्तीगौडास्थित ध्यान साधना केन्द्रको नाममा विभिन्न पसलहरुमा जबरजस्ती चन्दा उठाउँदै हिँडिरहेको अवस्थामा श्रेष्ठलाई फेला पारी पक्राउ गरेको हो । यस विषयमा प्रहरीले थप अनुसन्धान गरिरहेको बुझिएको छ ।