जबरजस्ती करणी गरेको अभियोगमा तामाङ पक्राउ

रिपोर्ट नेपाल | 2020 Jul 13 | 08:10 pm 1821

ललितपुर, असार २९ः ७ वर्षीया बालिकालाई जबरजस्ती करणी गरेको अभियोगमा एक जनालाई प्रहरीले पक्राउ गरेको छ ।

पक्राउ पर्नेमा ललितपुर महानगरपालिका २७ सुनाकोठी डेरा गरी बस्ने धादिङ धुनवेसी नगरपालिका ९ घर भएका २५ वर्षीय सुरेन्द्र तामाङ रहेका छन् ।

तामाङले ती बालिकालाई जबरजस्ती करणी गरेको भन्ने खबर प्राप्त हुनासाथ महानगरीय प्रहरी वृत्त चापागाउँबाट खटिएको प्रहरीले उनलाई पक्राउ गरेको हो ।

उनलाई सोमबार बिहान प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको बताइएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.