पोखरा, २२ जेठ : सामान्य कार्यक्रममा पनि जनप्रतिनिधि र कर्मचारीहरूले चरम लापरबाही गरेको पाइएको छ । पोखरा लेखनाथ महानगरपालिका १७ का जनप्रतिनिधि र कर्मचारीहरूले सामान्य कार्यक्रममा पनि चरम लापरबाही गरेका पाइएको हो ।
महानगरपालिका वडा नम्बर १७ ले गत सोमबार गररेको कार्यक्रको ब्यानरमा ‘एक दिने गर्भवती’ लेखिएको छ । ब्यानरमा ‘गर्भवतीहरुका लागि एक दिने जनचेतना कार्यक्रम’ लेख्नु पर्नेमा ‘एक दिने गर्भवतीहरुको लागि जनचेतना कार्यक्रम’ लेखिएको छ ।
एक दिने गर्भवती महिला ब्यानरमा लेखेपछि यसले अर्कै अर्थ दिने भन्दै सामाजिक सञ्जालमा तीव्र आलोचना हुन थालेको छ । एउटा सानो कार्यक्रमका लागि बनाइएको ब्यानरमा यतीससम्म लापरबाही हुन्छ भने अरू ठुला कार्यक्रम र विकासको आयोजनामा कतिसम्म लापरबाही होला ? जनप्रतिनिधिले कसरी काम गर्लान् ?
यसले गर्दा जनप्रतिनिधि तथा कर्मचारीहरू हाँस्याष्पद बनेका छन् । जनप्रतिनिधिहरूले ब्यानर हेरेनन् ? कि जानी जानी नै यस्तो बाइएको हो ? यस्तो सामाजिक काममा पनि यस्तो अर्थ लाग्ने ब्यानर बनाउन कतिको जायज होला ?
