घर भत्किँदा डोटीमा एकै परिवारका ४ जनाको मृत्यु

रिपोर्ट नेपाल | 2020 Aug 11 | 07:48 am 5155

डोटी, साउन २७ः गएराति जिल्लाको आदर्श गाउँपालिका–१ खलगडामा मध्यरातमा घर भत्किँदा एकै परिवारका चार जनाको मृत्यु भएको छ, भने पाँच जना घाइते भएका छन् ।

मृत्यु हुनेमा लोगे विकका श्रीमती विष्ना विक, १२ वर्षीय छोरा पारस, छोरीहरु आठ वर्षीया सिर्जना र चार वर्षीया जेनिसा रहेका छन् ।

राति सुतिरहेका बेला भत्किएको घरमा पुरिएर लोगे, उनकी आमा ताना लुहार र एक छोरी घाइते भएका छन् । यस्तै भेटघाट गर्न आएका लोगेकी सासु आमा र साला पनि घाइते भएको प्रहरीले जनाएको छ ।

जिल्ला प्रहरी कार्यालय डोटीका डीएसपी इन्द्र मल्लका अनुसार भत्किएको घर माटो ढुंगाबाट बनेको तीन तले रहेको थियो ।

घर भत्किन थालेपछि केही भाग्न आगनमा निस्किए पनि आगनमै थिचेको अवस्थामा केहिको शव भेटिएको डिएसपी मल्लले बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.