घरको छतबाट खसेर सिरहामा एक बालकको मृत्यु

रिपोर्ट नेपाल | 2020 Mar 16 | 12:20 pm 1971

  • महेश सिंह

सिरहा, चैत ३: जिल्लाको अर्नमा गाउँपालिकामा १ मा आफनै घरको छतबाट खसेर एक बालकको मृत्यु भएको छ ।

मृत्यु हुनेमा सिरहाको अर्नमा गाउँपालिका १ का मोहमद वारिद अन्सारीका ५ वर्षीय छोरा मो रेहान अन्सारी रहेका छन् ।

बालक आफनै घरको छ्तमा खेल्दै गरेको अवस्थामा अचानक छतबाट तल भुईमा खसेको थियो ।

छतबाट खसेका बालकको टाउकोमा गम्भीर चोट लागेको थियो । गम्भीर अवस्थामा उपचारको लागि लहान अस्पताल ल्याउदै गर्दा बाटो मै मृत्यु भईसकेको लहान अस्पतालको ईमरजेन्सि वार्डका डाक्टरले जानकारी दिए ।

बालकको सव पोस्टपछि परिवारलाई जिम्मा लगाईएको ईलाका प्रहरी कार्यालय लहानका डिएसपी शरद कुमार थापा क्षेत्रीले बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.