गौहत्या गरेको अभियोगमा चार जना पक्राउ

रिपोर्ट नेपाल | 2020 Aug 21 | 12:58 pm 2482

नुवाकोट, भदौ ५ः गौहत्याको अभियोगमा नुवाकोट प्रहरीले चार जनालाई पक्राउ गरेको छ ।

पक्राय पर्नेमा चन्द्रबहादुर तामाङ, सुदीप तामाङ, जय तामाङ र दले तामाङ रहेका छन् । उनीहरुलाई तारकेश्वर गाउँपालिका–५ बाट बिहीबार राति पक्राउ गरेको हो ।

काभ्रेस्थित सिरानटोल निवासी सन्तबहादुर तामाङको गोठको गाई लगेर काटेको अभियोगमा उनीलाई नियन्त्रणमा लिएको जिल्ला प्रहरी नुवाकोटका प्रहरी निरीक्षक बिष्णु फुयालले जानकारी दिए ।

प्रहरी निरीक्षक फुयालका अनुसार गौहत्या गरेर मासु भाग लगाइरहेको अवस्थामा उनीहरूलाई पक्राउ गरिएको हो । घटनामा संलग्न अन्यको खोजी भइरहेको प्रहरीले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.