ललितपुर, साउन ५ः अख्तियारको टोलीले गोदावरी नगरपालिकाका कार्यकारी प्रमुख कृष्ण प्रसाद जैसीलाई डेढ लाख घुससहित रङ्गेहात पक्राउ गरेको छ ।
सेवाग्राहीबाट रकम लिइरहेको अवस्थामा आफ्नै कार्यकक्षबाट जैसीलाई अख्तियार दूरुपयोग अनुसन्धानको टोलीले पक्राउ गरेको हो ।
यो संगै अख्तियारको टोलीले नगरपालिकाका कागजातसमेत नियन्त्रणमा लिएको बताइएको छ ।
जैसीले यस अघि पनि ढुङ्गा खानी, क्रसर उद्योगलगाएत जग्गा प्लटिङबाट कमिस लिने गरेको आरोप लाग्दै आएको बुझिएको छ ।