बेइजिङ, कार्तिक २ । चीन भ्रमणमा रहेका उपप्रधान तथा गृहमन्त्री नारायणकाजी श्रेष्ठ बेइजिङ स्थित एक अस्पतालमा भर्ना भएका छन् । स्वास्थ्यमा समस्या देखिएपछि अस्पताल पुगेका श्रेष्ठको चेक जाँचका क्रममा माइल्ड हर्ट अट्याक भएको उनका स्वकीय सचिव सुरेश काजी श्रेष्ठले जानकारी दिए ।
विआरआई को कार्यक्रमका लागि बेइजिङमा रहेका श्रेष्ठलाई बुधबार दिउसो देखि नै असहज भईरहेको र बेलुका कोठामा फर्किएपछि धेरै नै छाती दुखे पछि अस्पताल लगिएको थियो । अस्पतालमा उनको एन्जियोग्राम गरेर हेर्दा मुटुको एकतर्फको भल्वमा रक्तसञ्चार अवरोध देखिएपछि उनलाई उपचारका लागि आइसियूमा राखिएको छ ।
मन्त्री श्रेष्ठलाई आइसियूमा राखिएपनि खतरामुक्त रहेको जनाइएको छ ।
