काठमाडौँ २५ भदौ / नेकपा (एमाले) का नेता भीम रावलले अछाममा मंगलबार भएको पत्रकार सम्मेलनमा बोल्दै आफूमाथि कारबाही गरेर देखाउन चुनौती दिएका छन्। रावलले आफूलाई कारबाही गरेर देखाउन एमालेलाई चुनौती दिएका हुन्।
रावलले देश, जनता र पार्टीले लिएको नीतिका पक्षमा आफू दृढतापूर्वक खडा भएको रावलले बताएका छन् । देश र जनताको पक्षमा लाग्दा आउन सक्ने व्यवधानका विषयमा म जानकार छु उनले भने। आफूलाई एकीकृत समाजवादीमा जाँदैछ भनेर कारबाही गर्न खोजिएको पनि बताए। तर आफू एकीकृत समाजवादीमा नजाने पनि उनको भनाइ रहेको छ।
पार्टीले कारबाहीको तयारी गरिरहेको छ भन्ने सुनिन्छ भन्ने प्रश्नमा जबाफ दिएका रावलले भने, ‘पार्टी सिद्धान्तलाई जोगाउनुपर्छ। विधि विधानअनुसार पार्टी चल्नुपर्छ भन्ने मत राखेकै कारण आफूलाई कारबाही गरिन्छ भने त्यो गरेर देखाउन चुनौती दिन्छु।’
