काठमाडौं, साउन १३ । वन्डर्स नेपाल प्रालिले निर्माण गरी हालै संचालनमा ल्याएको कमलादीस्थित स्काई वाक टावरको महानगरले छानविन गर्ने भएको छ । महानगरले स्काईवाक टावरमा प्रयोग गरिएका सामग्रीको गुणस्तर, संरचनाको वैधानिकता, शुल्कलगायतमा छानविन गर्न लागेको बताएकाे छ ।
दक्षिण एशियाकै अग्लो भनी दावि गरिएको उक्त स्काईवाक टावर ७८.५ मिटर अग्लो छ । यो टावर निर्माण सम्पन्न भई पुर्ण रुपमा संचालनमा आएपछि टावरमा चढ्नका लागि प्रतिव्यक्ति १ हजार लिने गरीएकाे छ । टावरले चर्को शुल्क लिएकाे भनी जनगुनासाे आएपछि महानगरले टावरमा प्रयोग भएका सामग्रीको गुणस्तर, नक्सा, पार्किङलगायत संरचना, बैधानिकता र शुल्क निर्धारणका आधार सहितका विषयलाई ध्यानमा राखेर छानविन गर्न लागिएको महानगरपालिकाका प्रवक्ता नविन मानन्धरले जानकारी दिए ।
२२ तलाको उक्त टावरमा दुई ओटा लिफ्ट, एमपी थिएटरलगायतका सुविधाहरु रहेका छन् ।
