दाङ, चैत २५: कर्तव्य गरी ज्यान मारेकाे मुद्दामा फरार रहेका एक अभियुक्तलाई प्रहरीले पक्राउ गरेकाे छ । पक्राउ पर्नेमा राजपुर गाउँपालिका १ रसरीखाेलाका २४ वर्षीय जसराम कामी रहेका छन् ।
गत चैत १९ गते सहाेदर दाई प्रेमबहादुर कामीलाई मादक पदार्थ सेवन गरी चिर्पट दाउराले हिर्काउँदा विभिन्न भागमा चाेटलागी गम्भीर घाइते बनाएका थिए ।
गम्भीर घाइते उनकाे उपचारकाे लागि लमही अस्पताल लमही पठाइएकाेमा उपचारकाे क्रममा चैत २० गते मृत्यु भएकाे थियाे ।
कुटपीट गरी फरार रहेका जसरामलाई खाेला नजिकैकाे ठाउँमा लुकिछिपी बसेकाे अवस्थामा प्रहरीले मंगलबार पक्राउ गरी ईलाका प्रहरी कार्यालय गढवा दाङमा ल्याई थप अनुसन्धान भइरहेकाे जानकारी दिएकाे छ ।
