काठमाडाैं, साउन १६ । सुन प्रकरणमा उच्चस्तरीय छानविन समिति गठन गर्न माग गर्दै प्रमुख प्रतिपक्षी दल एमालेले अवरोध गरेपछि प्रतिनिधिसभाको बैठक आज दाेस्रो दिन पनि स्थगित भएको छ । आज बोलाइएको बैठक बस्दै नबसी साउन २२ गते सोमबार दिउँसो १ बजे बस्नेगरी स्थगित भएको सभामुखको सचिवालयले जनाएको छ।
आज एमालेले नियमावली बमोजिमको आकस्मिक समयमा अवरोध नगर्ने, गृहमन्त्रीको जावाफ आइसकेपछि प्रतिक्रिया जनाउने सहमति भएको थियो ।
तर, सत्तारुढ दलका प्रतिनिधि सांसद सूचना टाँसेर स्थगित गरौँ भनेर सभामुखलाई आग्रह गरेका थियो। हिजो पनि एमालेले छानविन समिति बनाउनुपर्ने र गृहमन्त्रीकै संलग्नता भएको आरोप लगाउँदै राजीनामा दिनुपर्ने भन्दै सदन अवरोध गरे पछि बैठक आजलाई सारिएको थियो ।
