एपीएफ टोलीद्वारा अवैध औषधीसहित पक्राउ

| 2021 Feb 26 | 04:55 pm 669

सिरहा फागुन १४: सिरहा नगरपालिका १७ स्थित भन्सार गेटबाट एपीएफ टोलीले करीब ५० हजार बराबरको अवैध औषधीसहित एक जनालाई पक्राउ गरेको छ । पक्राउ पर्नेमा धनुषा जिल्लाको धनुषाधाम नगरपालिका ९ धारापानी बस्ने ४२ बर्षिय अब्जल मनसुर छन् ।

सशस्त्र प्रहरी बल, नेपाल बोर्डर आउट पोष्ट मार्डरबाट खटिएको एपीएफ टोलीले मनसुरलाई उल्लेखित औषधीसहित पक्राउ गरेको हो । प्रदेश नं. २–०२२०११ प ४६४९ नम्बरको मोटरसाइकलमा भारतबाट नेपालतर्फ आउँदै गरेका मनसुरलाई एपीएफ टोलीले जाँच गर्दा उनको साथमा उक्त औषधी फेला परेपछि पक्राउ गरिएको हो ।

एपीएफ टोलीले त्यसवेला उल्लेखित मोटरसाइकल समेत बरामद गरेको छ । पक्राउ परेका मनसुरलाई बरामद औषधी र मोटरसाइकलसहित आवश्यक कारवाहीको लागि भन्सार कार्यालय मार्डरमा बुझाइएको छ । बरामद मोटरसाइकलको भन्सार दाखिला मूल्य २ लाख ५० हजार रुपैयाँ रहेको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.