एआईजीको संख्या घटाउनु कतिको ठीक ?

काठमाडौँ । सरकारले गत अघिलो साता नेपाल प्रहरीका एआईजीको संख्या १६ बाट ३ मा झार्ने निर्णय गरेको थियो । अहिले
एआईजीको संख्या घटाउनु ठीक थियो कि थिएन भन्ने बहस सुरु भएको छ ।

निजामती कर्मचारी र सेनामा ठूलो संख्यामा विशिष्ट श्रेणीका कर्मचारी रहेको अवस्थामा प्रहरीमा संख्या घटाइँदा वृत्ति विकासमा असर पर्न सक्ने उनीहरूको तर्क छ । पूर्वप्रहरी अधिकारीलेहरु बताउछन् ।

पूर्वडीआईजी हेमन्त मल्लले एआईजीको संख्या कति र किन राख्ने भन्ने तथ्यगत कारणमाथि गम्भीर बहस नहुँदा घटबढको अभ्यास निरन्तर चलिरहेको बताए । ‘अहिले संख्या किन घटाइयो र पहिले थपेर १६ सम्म किन पुर्‍याइएको थियो,’ उनले भने, ‘यी दुवै निर्णयका आधार के थिए भन्नेबारे छलफल जरुरी छ ।’ प्रहरीलाई जिम्मेवारी र कामको चाप कति छ, वृत्ति विकासमा संख्या थपघटले के असर पार्छ भन्नबारे प्रस्टताको खाँचो देखिएको पूर्वडीआईजी मल्ल बताउँछन् । ‘तल्लो तहका पदको संख्या बढ्ने, माथिल्लो तहको संख्या घट्ने गर्दा समानुपातिक वृत्ति विकास अवरुद्ध हुन्छ कि भनेर पनि लेखाजोखा गर्नुपर्ने हुन्छ ।’