काठमाडौं, असार २४ । नक्कली भुटानी शरणार्थी प्रकरणमा नेपाली कांग्रेस केन्द्रीय सदस्य एवम् सांसद डा. आरजु राणा देउवाको नाम लिइएको अडियो रेकर्ड सन्देश शर्माको आवाजसँग मेल खाएको बताइएको छ ।
राणाले आफ्नो नाम जोडेर नक्कली अडियो सार्वजनिक भएको भनी छानबिन गरी दोषीलाई कारबाही गर्न माग गरी नेपाल प्रहरीको साइबर ब्यूरोमा निवेदन दिएकी थिइन ।
नक्कली भुटानी शरणार्थी प्रकरणमा पक्राउ परेका दाङका शर्मा ठगी तथा संगठित अपराध कसुर मुद्दामा अनुसन्धानका लागि थुनामा छन् ।
उक्त निवेदन उपर अनुसन्धान गर्दा त्यो अडियो शर्माको आवाजसँग मिलेको र त्यो अडियो टिकटकमा कसले पहिलो पटक राखेको थियो भन्ने बारेमा टिकटक सिंगापुरसँग जानकारी मागेको प्रहरी नायव महानिरीक्षक तथा प्रवक्ता कुवेर कडायतले जानकारी दिएका छन् ।
