इलाम, जेठ ६ः आफ्नै बुबाको हत्या गरी फरार रहेकी एक महिलालाई प्रहरीले पक्राउ गरेको छ । गए राति ५२ वर्षीय बुबा फुलबहादुर राईलाई हत्या गरी फरार रहेकी छोरीलाई नजिकैको जङ्गलबाट पक्राउ गरेको हो ।
पक्राउ पर्नेमा इलाम सन्दकपुर गाउँपालिका–३ स्थायी घर भइ माइत देउमाई नगरपालिका–६ शान्तिडाँडामा बसोबास गर्दै आएकी सुष्मा राई रहेकी छन् ।
उनीले समान्य घरायसी विवादमा बुबाको हत्या गरेको बुझिएकाे छ । सुष्माले बुबालाई टाउकोमा बञ्चरो प्रहार गरी हत्या गरेर फरार रहेकी थिइन् ।
जिल्ला प्रहरी कार्यालय इलाम र इलाका प्रहरी कार्यालय मङ्गलबारेको संयुक्त टोलीले खोज तथा अनुसन्धान गर्ने क्रममा सुष्मालाई पक्राउ गरेको जिल्ला प्रहरी कार्यालय इलामका सूचना अधिकारी हेमन्त भण्डारी क्षेत्रीले जानकारी दिए ।
उनका अनुसार घटनास्थलबाट दक्षिणतर्फको जङ्गलमा लुकेर बसेकी अवस्थामा उनलाई प्रहरीले पक्राउ गरको हाे । उनको साथबाट प्रहरीले बञ्चरोसमेत नियन्त्रणमा लिइएको छ । सुष्मालाई जिल्ला प्रहरी कार्यालय इलामबाट कर्तव्य ज्यान मुद्दामा अनुसन्धान भइरहेको बताइएकाे छ ।