सर्लाही, जेठ १९ः सोमबार बिहान लालबन्दी नगरपालिका-१२ भालु खोप डाँडा मछयाङको गौंडाबाट अवैध लागूऔषध गाँजा करिब ३५ किलाे भन्दा बढी प्रहरीले बरामद गरेको छ ।
उक्त डाँडाको बाटो हुँदै लागूऔषध गाँजा ओसारपसार हुँदै छ भन्ने सूचनाको आधारमा ईलाका प्रहरी कार्यालय लालबन्दीबाट खटिएको गस्ती प्रहरीलाई देख्नासाथ अपरिचित ५ जना व्यक्तिहरुले आफूले बोकी ल्याएको प्लास्टिकको डोरीले बाँधेका ७ वटा पोकाहरु फालेर जङगलतर्फ भागेका थिए ।
प्रहरीले ती पोकाहरु तलासी गर्दा उक्त परिमाणको लागूऔषध फेला पारेको हो । फरार व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको बुझिएकाे छ ।