सर्लाही, भदौ ३१ः मंगलबार सर्लाहीको बागमति नगरपालिका ११ पेट्रोल पम्पस्थितबाट अवैध लागूऔषधसहित एक जनालाई पक्राउ गरेको छ ।
पक्राउ पर्नेमा सिन्धुली हरिहरपुरगढी गाउँपालिका ७ का २७ वर्षीय अन्तरे भन्ने बुद्धिमान गोले रहेका छन् ।
प्रनानि मोहनमणी कटुवालको कमाण्डमा खटिएको टोलीले सिन्धुलीबाट सर्लाही तर्फ आउदै गरेका पैदल यात्रामा रहेका उनले बोकी ल्याएको २ वटा जेब्रा झोलालाई शंका लागी चेक जाँच गर्दा झोला भित्र प्लाष्टिकको बोरामा लागूऔषध गाँजा करिब ३ किलो ३ सय ग्राम फेला पारी नियन्त्रणमा लिई यस कार्यालयमा ल्याई राखिएको बताइएको छ ।
त्यसैगरी सर्लाहीकै बागमति नगरपालिका ११ झुलुङे पुलबाट पनि अवैध लागूऔषध गाँजासहित सिन्धुली हरिहरपुरगढी गाउँपालिका ६ का २३ वर्षीय सुबाष जिम्बालाई प्रहरीले पक्राउ गरेको छ ।
प्रहरीलाई शंका लागि उनले बोकी ल्याएको रातो झोलालाई चेक जाँच गर्दा झोला भित्र प्लाष्टिकको बोरामा गाँजा करिब२ किलो ८ सय ५० ग्राम फेला पारी नियन्त्रणमा लिएको सर्लाही प्रहरीले जानकारी दिएको हो ।