काठमाडौँ, ०८ वैशाख / अभियान्ता डा. गोविन्द केसीले चिकित्सा शिक्षा सुधारका आफ्ना माग पूरा नभए अनसन बस्ने चेतावनी दिएका छन्।
विगतमा भएका सहमति कार्यान्वयनका लागि सरकारलाई केसीले तीन हप्ताको अल्टिमेटम दिएका छन्। पत्रकार सम्मेलन गर्दै डा. केसीले सहमति कार्यान्वयन नभए आफूले तीन हप्तापछि सत्याग्रह सुरु गर्ने बताएका हुन्।
डा. केसीले पूर्वन्यायाधीश गौरीबहादुर कार्की नेतृत्वको चिकित्सा शिक्षासम्बन्धी जाँचबुझ आयोगको प्रतिवेदन कार्यान्वयन गरी आयोगले कारबाहीका लागि सिफारिस गरेका पदाधिकारीलाई कारबाही गर्न पत्रकार सम्मेलनमा माग गरेका छन्।
