काठमाण्डौं, असार ३ : ऐतिहासिक बागदरबारलाई भत्काएर नयाँभवन बनाउन काठमाण्डौं महानगरपालिकाका मेयर विद्यासुन्दर शाक्य अघि बढेका छन् ।
पुरातत्व विभाग र उपत्यका विकास प्राधिकरणले ऐतिहासिक दरबार नभत्काउनका लागि गरेको पत्रचारलाई बेवास्ता गर्दै मेयर शाक्य अघि बढेका हुन् ।
मुगल शैलीको बागदरबार भिमसेन थापाले निर्माण गरेको बुझिएको छ । थापाको निधनपछि माथवरसिंह थापाले दरबार भित्र बाघ पाल्न थालेपछि उक्त भवनको नाम बागदरबार राखिएको थियो ।
महानगरपालिकाको कार्यालयकोभवन निर्माणका लागि भन्दै यस्ता ऐतिहासिक सम्पदाहरु भत्काउदै जाने हो भने भोलीका पुस्ताले पुरातात्वीक चिजहरु इतिहासमा पढ्न मात्रै पाइने पुरातत्वविद्हरु बताउँछन् ।
