अदृष्य भित्रको लजावती म्युजिक भिडियो सार्वजनिक

रिपोर्ट नेपाल | 2021 Nov 24 | 09:14 am 229

काठमाडौं, मंसिर ८ः लामो समयदेखि विभिन्न हाँस्य टेली चलचित्र, टेली चलचित्र, ठूलो पर्दाको चलचित्र लगायत नेपाल प्रहरीको भूमिकामा अभिनय गरी चर्चा बटुलीसकेका कलाकार बिनोद के.सी. म्युजिक भिडियोको निर्देशन तिर होमिएका छन् ।

यसै क्रममा आफ्नै जन्मदिनको अवसर पारी अदृष्य भित्रको लजावती नामक म्युजिक भिडियो SGF युट्युब च्यानल मार्फत सार्वजनिक गरिएको छ । आलोक श्रीको संगीत, प्रमोद खरेलको स्वर र आफ्नै लेखन रचनामा तयार पारिएको म्युजिक भिडियो के.सी. आफैले निर्देशन गरेका हुन् ।

नव निर्देशक बिनोद के.सी.ले निर्देशन गरेका उक्त म्युजिक भिडियो करण चौसिरको छायांकन र राजकुमार मगरले सम्पादन गरेका हुन् ।

म्युजिक भिडियोमा इन्द्रणी स्वीट होटल बानेश्वर, गोकर्ण रिसोर्ट, धरहरा, रानी पोखरी जस्ता मनमोहक ठाउँहरुमा छायांकन गरिएको छ । निर्देशक के.सी.ले छायंकन उपलब्ध गराउनुहुने इन्द्रेणी स्वीट होटलका अध्यक्ष शम्भु श्रेष्ठ, गोकर्ण रिसोर्ट लगायत अन्य छायांकन स्थल उपलब्ध गराएर सहयोग पुर्याउनुहुने र संलग्न सबै सम्बन्धित टिमलाई धन्यवाद व्यक्त गरेका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.