अखिल क्रान्तिकारीका सचिवलाई कुट्ने संग्राम पक्राउ

रिपोर्ट नेपाल | 2019 Jan 23 | 06:11 pm 1859

काठमाडौं, माघ ९ : पूर्व माओवादी निकट अखिल क्रान्तिकारीका सचिव नारायण खनालमाथि कुटपिटमा संलग्न एक जनालाई प्रहरीले पक्रिएको छ ।

नेकपाको कार्यालय (तत्कालीन माओवादीको केन्द्रीय कार्यालय) पेरिसडाँडाबाट फर्कने क्रममा सोमबार तीनकुनेमा आक्रमण गर्ने संग्रााम तामाङलाई प्रहरीले पक्राउ गरेको हो ।

तामाङलाई महानगरीय प्रहरी अपराध महाशाखाको टोलीले पक्राउ गरी हिरासतमा लिएको हो । पेरिसडाँडाबाट फर्किएर पैदल हिंडिरहेका खनालमाथि दुई अज्ञात व्यक्तिले पछाडिबाट हेलमेटले आक्रमण गरेका थिए । आक्रमणमा संलग्न तामाङ पक्राउ परे पनि अर्का अझै फरार छन् ।

आक्रमणब टाउकोमा गहिरो चोट लागेका खनालको बाँसबारीस्थित न्यूरो अस्पतालमा उपचार भइरहेको छ । क्रान्तिकारीले आफ्ना नेतामाथिको आक्रमणकारी पक्राउ गर्न माग गर्दै महानगरीय प्रहरी वृत्त तीनकुनेमा उजुरी दिएको दिएको थियो ।

 

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.