मन्त्री बिना मगर दिल्ली प्रस्थान

रिपोर्ट नेपाल | 2018 Sep 28 | 03:09 pm 2283

काठमाडौँ, असोज १२ : खानेपानी मन्त्री बिना मगर महात्मा गान्धी अन्तर्राष्ट्रिय स्वच्छता सम्मेलनमा सहभागी हुन शुक्रबार भारतको नयाँ दिल्ली प्रस्थान गरेकी छन् ।

शनिबार देखि भारतको राजधानी नयाँ दिल्लीमा  हुने महात्मा गान्धीको १५० औँ जन्म जयन्तीको अवसरमा भारत सरकारले आयोजना गरेको चार दिने सम्मेलनमा भाग लिन नेपालको तर्फबाट खानेपानी मन्त्री त्यस तर्फ प्रस्थान गरेकी हुन् ।

सम्मेलनमा खानेपानी मन्त्री सहित खानेपानी तथा ढल निकास विभागका उप महानिर्देशक सुनिलकुमार दास समेत सहभागी छन् । उक्त सम्मेलनमा ८० देशका खानेपानी तथा सरसफाई मन्त्रीहरु सहभागी हुँदैछन् ।

सम्मेलनमा नेपालको तर्फबाट सरसफाईको क्षेत्रमा भइरहेको प्रगतिको बारेमा प्रस्तुति दिने कार्यक्रम रहेको छ ।

 

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.