को बन्ला नेपाल प्रहरीको एआइजी ?

रिपोर्ट नेपाल | 2018 Sep 06 | 09:29 am 1698

काठमाडौं, भदौ २१: नेपाल प्रहरीमा लामो मसय देखि रिक्त रहेको प्रहरी अतिरिक्त महानिरीक्षक (एआइजी) बढुवाको लागि चलखेल र छलफल सुरुवात भएको छ ।

गृहमन्त्री रामबहादुर थापाले मन्त्रालयको जिम्मेवारी लिएपछि घटाइएको दरबन्दीलाई विभिन्न समस्याको नाममा बढाउने तयारी भएको बुझिएको छ ।

क्रमसंख्याको आधारमा बढुवा गर्नेकी क्षमताको आधारमा भन्ने चर्चा र विवादले रोकिएको एआइजीको बढुवा सम्बन्धी छलफल आज बिहिबार हुने संभावना रहेको छ ।

एक स्रोतले दिएको जानकारी अनुसार क्रमसंख्याको आधारमा बढुवा गर्दा भागवण्डा अनुसार नहुने भएपछि संख्या बढाउने कुरामा पनि छलफल भइरहेको छ ।

प्रहरी महानिरीक्षक बढुवाको चर्चामा रहेका पुष्कर कार्की एक नम्बरमा छन् भने दुई नम्बरमा रहेका मनोज नेउपाने महानगरीय प्रहरी कार्यालय रानीपोखरीमा कार्यरत छन् ।

त्यस्तै तीन नम्बरमा ठूले राई छन् भने चार नम्बरमा धिरु बस्नेत रहेका छन् । पाँच नम्बरमा रहेका सुरेश विक्रम शाह क्रमसंख्यामा पछाडी भएपनि उनी क्षमतावान् र कर्तव्यनिष्ठ प्रहरी अधिकृतका रुपमा परिचित अधिकारी हुन् ।

कुनै दुर्घटना नभए आज बिहिबार बढुवा समितिको बैठक बसेर एआइजी बढुवाको सिफारिस गर्ने बुझिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.