रेखीराम राना
तानसेन, माघ ८। पाल्पामा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा जिल्लाको रम्भा गाउँपालिका–१, असर्दी बस्ने २८ वर्षीय हेमन्त जिटी रहनुभएको छ ।
गए राति काली गण्डकी कोरिडोर सडक हुँदै रम्भाको पिपल डाँडाबाट हुँगीतर्फ आउने क्रममा रम्भा–१, भुमरमा ग १४ प ३७५ नम्बरको मोटरसाइकल दुर्घटना हुँदा जिटीको घटनास्थलमै मृत्यु भएको प्रहरीले जनाएको छ ।
मोटरसाइकल सडकदेखि दुई सय मिटर तल काली गण्डकी किनारमा खसेको जिल्ला प्रहरी कार्यालय पाल्पाका सूचना अधिकारी श्रीराम भट्टले जानकारी दिनुभयो । घटनासम्बन्धी थप अनुसन्धान भइरहेको उहाँले बताउनुभयो । (गोरखापत्रबाट)
