सुर्खेत, असोज २४ । नेकपा एमालेका जुम्ला जिल्ला कमिटी उपाध्यक्ष सुरतबहादुर शाहीमाथि बालयौन दुर्व्यवहार गरेको आरोप लागेको छ । शाहीले एक किशोरीलाई यौन प्रस्ताव राखेको अडियो सामाजिक सञ्जाल टिकटकमा भाइरल भएको छ ।
अडियोमा उनले किशोरीसँगको कुराकानीमा याैन प्रस्ताव राखेको र ललाइ फकाई गरेको सुनिन्छ । सो विषय यतिबेला प्रहरी समक्ष पुगेको छ । जुम्ला प्रहरीका अनुसार शाहीविरुद्ध १७ वर्षीय किशोरीमाथि यौन दुर्व्यवहारको आरोपमा जाहेरी दर्ता भएको छ ।
मंगलबार दर्ता भएको जाहेरीका आधारमा बालबालिका विरुद्धको कसुरमा प्रहरीले आवश्यक अनुसन्धान प्रारम्भ गरेको छ । पीडित किशोरीका बुबाले बालबालिका सम्बन्धी ऐन २०७५ को दफा ६६ बमोजिम जाहेरी दिएका हुन् ।
