पोखरा, असोज २१ । गएराती किम्रोङ खोला र ताउलोको बीचमा ठूलो पहिरो जाँदा कास्कीको अन्नपूर्ण गाउँपालिका वडा नम्बर ११ मा किम्रोङ खोला १८ घण्टादेखि थुनिएको छ ।
अन्नपूर्ण गाउँपालिका वडा नं. ११ का वडाध्यक्ष हिम बहादुर गुरुङका अनुसार अहिले खोला छेउछाउबाट विस्तारै खुल्न थालेको छ । थुनिएको ठाँउ भिरालो नभएर समथर भएका कारण जोखिम नहुने कुरामा आफू ढुक्क भएको बताएका छन् । यो खोला मोदी खोलामा मिसिने खोला भएको पनि वडाध्यक्ष गुरुङले बताए ।
जोखिमपूर्ण नभए पनि खोलाको तटीय क्षेत्रका बासिन्दालाई सचेत रहन जानकारी गराइएको पनि वडाध्यक्षले बताए ।
