भोका पेटलाई छैन खाना नाङ्गो जिउलाई नाना
खाना लाउन सक्या छैन न छ ताना बाना
छैन घरमा अन्न पानी सुकिसक्यो पेट
छोराछोरी धेरै जन्मे सबै साना साना ।
१
मेची काली सीमाभित्र हामी बसेका छौं
उद्योगधन्दा केही छैन भको फ्याँकेका छौं
अरु देश विकास गरी कहाँ पुगिसके
अन्योलको भुमरीमा हामी फसेका छौं ।
२
स्वस्थ शरीर राख्नलाई हिँड्नु पऱ्या छ
जँचाउँदा चिकित्सकले यही कुरा गर्या छ
शरीर सबै लुगलुग कामी सक्यो यता
ठूलै पीर शरीरलाई पर्नु पर्या छ ।
३
दोहोरी डण्डी बियो खेल्दा फाइदा हुन्छ
जुवा तास खेल्दा धनको नास हुन्छ
जान्दा जान्दै अनभिज्ञ किन हुनुपर्यो
सज्जन भए पो धर्तीमा धेरै बास हुन्छ ।
४
