कविता
हिमालको काखमा
पहाड र तराईको
आँगनमा रम्न पाएको छ
मेची देखि महाकालीसम्म
स्वस्थ हावापानीले
शुद्धता छाएको भूमि हाम्रो नेपाल
नदी खोला र झरनाका
छङछङ शब्दबाट
गुञ्जन आवाज
सुनिरहूँ जस्तो लाग्ने, सुन्दर भूमि
हाम्रो देश नेपाल ।
ठूल्ठूला नदीहरु सुसेली छर्दै
बगिरहँदा
भरिपूर्ण जलस्रोतले मन छुने
हाम्रो देश नेपाल ।
देवी देवताको नगण्य
वासस्थल बनेको
विभिन्न जातजातिको
फूलबारी हाम्रो देश नेपाल ।
लाली गुँरासले रङ्गिएको
साैन्दर्यभित्र
डाँफे र मयूरजस्ता
राष्ट्रिय पंक्षी रमाउँदै
छमछम नाचेको देश
हाम्रो देश नेपाल ।
पहाड र तराईका
विशाल जङ्गलभित्र उम्रने
अनगिन्ती जडीबुटीले भरिभराउ
हाम्रो देश नेपाल ।
उत्तर र दक्षिणका विशाल
देशका बीचमा
आफ्नो पहिचान राख्न सफल
हाम्रो देश नेपाल ।
