गजल
तिमीलाई गार्हो भयो कि खबर पाउन सकिन
अनायसै टाढा भयौं खोजी धाउन सकिन।
सोचेको थिएँ क्षितिजमा रमाउला तिमी संगै
मन पो कतै दुखायौ कि बोलाउनै सकिन।
मीरा जस्तै एकोहोरो प्रेम गरें तिमीलाई,
राधाकृष्ण प्रेमी जस्तै संसार छाउन सकिन।
एक झुल्को खुशी मिल्दा मन भित्रै सजाएथें,
पारी किनार पुगिसक्यौ फड्की आउन सकिन।
कयौँ पटक टुट्दा पनि दिलले हार नखाए झैँ,
मुटु भित्र लुकाउछु सजाउन सकिन।
