काठमाडाैं, भदाै ५ । गुल्मी जिल्लाको मुसीकोट नगरपालिका वडा नं. छ आँपचाैरमा घर माइती भई काठमाडाैं उपत्यकामा विभिन्न पेशामा आवद्ध महिलाहरुले तिजको गीत कार्यक्रम राख्ने भएका छन् ।
गुल्मी आँपचाैर काठमाडाैं महिला समाजको आयोजनामा हुने तिज कार्यक्रमले आपसी सदभाव बढाउने र लामो समय भेटघाट हुन नसकेका दिदी बहीनी बीच भेटघाट गराउने कुरा जमुना खरेलले बताइन् । भक्तपुर जिल्लाको लोकन्थलीमा रहेको एरुडाइट स्कुलमा भदाै १६ गते उक्त कार्यक्रम हुने पनि खरेलले बताइन् । तिज गीत कार्यक्रमले संस्कृती र संरक्षणमा टेवा पुग्ने आशा गरिएको छ ।
