काभ्रे, साउन ३० । बनेपा नगरपालिका वडा नम्बर १३ भैंसेपटीमा मोटरसाइकल दुर्घटना हुँदा एक युवकको मृत्यु भएको छ । दुर्घटनामा मृत्यु हुनेमा धुलिखेल नगरपालिका वडा नम्बर ८ का २१ वर्षिय अभिषेक न्यौपाने रहेका छन् ।
मंगलबार बिहान बनेपाबाट काठमाडौंतर्फ जाँदै गरेको वाग्मती प्रदेश ०२-०३४ प ११६७ नम्बरको मोटरसाइकल अनियन्त्रित भई विपरीत दिशाबाट आउँदै गरेको बा प्र ०३-००१ ख १५८६ नम्बरको ट्रकमुनि छिर्दा न्यौपानेको मृत्यु भएको जनाइएको छ ।
सख्त घाइते भएका न्यौपानेलाई तत्कालै उपचारका लागि धुलिखेल अस्पताल लगिएको थियो । उपचारकै क्रममा बिहान ११ बजे उनको मृत्यु भएको इलाका प्रहरी कार्यालय बनेपाले जनाएको छ ।
