सुर्खेत, कात्तिक २५ः प्रतिनिधिसभा सदस्य तथा प्रदेशसभा सदस्य निर्वाचनका लागि सुर्खेतमा १० वटा मतदान केन्द्रलाई अपाङ्गमैत्री बनाइएको छ ।
वीरेन्द्रनगर नगरपालिकाका १० वटा निर्वाचन केन्द्रलाई अपाङ्ग महासंघको समन्वयमा अपांगमैत्री बनाइने भएको हो । दृष्टिविहीन, शारीरिक अपाङ्गता भएका मतदाताले मात्र मतदान गर्न पाउने व्यवस्था हुने कर्णाली प्रदेश निर्वाचन अधिकारी दुर्गाप्रसाद चालिसेले जानकारी दिए ।
जननमुना माध्यमिक विद्यालय, श्रीकृष्ण संस्कृत मावि, अमरज्योति मावि, भैरव मावि, सिद्ध बहिरा स्कुललगायतका केन्द्रलाई अपाङ्गतामैत्री बनाइने जनाइएको छ ।
