भक्तपुर, साउन १६ : भक्तपुरको मध्यपुर ठिमी नगरपालिका–१ लोकनथली, रमाइलो चोकमा बुवाले आफ्नै छोराको हत्या गरेका छन् । मंगलबार राति घरायसी विवाद हुँदा ४० वर्षय डिल्लीराम चापागाईँले १७ वर्षका छोरा सागरको हत्या गरेका हुन् ।
स्थाई घर मोरङ्गको सोनवर्षा नगरपालिका–१ मा भएको डिल्लीरामले छोरा सागरलाई मासु काट्न प्रयोग गरिने दाउले प्रहार गरेका भक्तपुर प्रहरीले बताएको छ । सागरको घाँटी आधा काटिएको र उनको घटनास्थलमै ज्यान गएको गएको समेत प्रहरी जनाएको छ ।
सागरको शव पोष्टमार्टमका लागि भक्तपुर अस्पतालमा राखिएको छ । घटनाको सम्बन्धमा थप अनुसन्धान भइरहेको भक्तपुर प्रहरीले जानाएको छ ।
