काठमाडौं, फागुन २२ः बलात्कार आरोपमा पक्राउ परेका नेकपा एमालेका सांसद मोहन बानियाँ निलम्बनमा परेका छन् ।
आइतबारको प्रतिनिधिसभामा बैठकमा सभामुख अग्निप्रसाद सापकोटाले सांसद बानियाँ निलम्बनमा परेको जानकारी गराएका हुन् ।
सभामुख सापकोटाले बानियाँलाई फागुन १६ गतेदेखि संविधानबमोजिम निलम्बन गरिएको आइतबारको बैठकमा अवगत गराउनुभएको हो । सभाको अर्को बैठक यही फागुन २९ गते आइतबार दिउँसो १ बजे बस्नेछ ।
उनलाई एक महिलाले बलात्कारको उजुरी दिएपछि जिल्ला प्रहरी कार्यालय बाँकेले पक्राउ गरेको थियो । हाल हिरासतमा रहेका उनीमाथि प्रहरीले अनुसन्धान गरिरहेको बताइएकाे छ ।
