काठमाडौं, साउन ५: दक्षिण एसियाली खेलकुद (साग) को १३ औँ संस्करणमा क्रिकेट समावेश हुने भएको छ । शनिबार काठमाडौंमा बसेको दक्षिण एसियाली ओलम्पिक काउन्सिलको बैठकले सर्वसम्मत रुपमा क्रिकेट समावेश गर्ने निर्णय पारित गरेको हो । यो सागमा पहिलोपटक क्रिकेट समावेश हुन लागेको हो।
यस निर्णयसँगै पुरुष र महिला क्रिकेट पनि सागको सूचीमा समावेश भएको छ।
बैठकले साग पूर्वनिर्धारित मिति १९ मार्च २०१९ मा नेपालमा हुने पनि पक्का गरेको छ । बैठकमा भाग लिइरहेका माल्दिभ्स ओलम्पिक कमिटीका महासचिव अहमद मार्कुजले सामाजिक सञ्जालमार्फत यो निर्णयबारे जानकरी दिएका हुन्।
नेपाल ओलम्पिक कमिटीले औपचारिक रुपमा भोलीमात्र यसबारे पत्रकार सम्मेलनमार्फत् घोषणा गर्ने जनाएको छ।
