काठमाडौं, असार ३१: अमेरिकी सेरेना विलियम्सलाई हराउँदै जर्मनीकी एन्जेलिक केर्बेरले विम्बल्डन टेनिसको उपाधि जितेकी छिन्। शनिबार सेन्टर कोर्टमा भएको फाइनल खेलमा केर्बेरले सेरेनालाई ६-३ र ६-३ को सोझो सेटमा सहजै पराजित गरिन्।
३० वर्षीया केर्बेरको यो तेस्रो ग्राण्डस्लाम उपाधि हो। उनले यसअघि युएस ओपन र अष्ट्रेलियन ओपन जितेकी थिइन्। ३६ वर्षीया सेरेना हालै सुत्केरी भएकी थिइन् । उनी ९ महिनापछि मैदान छिरेकी थिइन्।
