काठमाडाैं, माघ १३ः नेपाली कांग्रेसको केन्द्रीय कार्यसमिति बैठक आज मंगलबार बस्दैछ। पुस २७ गतेका लागि बोलाइएको बैठक माघ ६ गतेका लागि सारिएको थियो। तर उक्त दिन पनि केन्द्रीय समिति बैठक बस्न नसक्दा बैठक आजसम्मका लागि स्थगित गरिएको थियो।
बैठक दिउँसो १ बजे पार्टी केन्द्रीय कार्यालय सानेपामा बस्ने जनाइएकाे छ । बैठकमा प्रतिनिधिसभा विघटन र १४ औं महाधिवेशन लगायतका विषयमा छलफल हुने बताइएको छ।
काँग्रेस औपचारिक रुपमा प्रतिनिधिसभा विघटनविरुद्ध सडक आन्दोलनको पक्षमा रहेको छ भने सभापति शेरबहादुर देउवा सर्वोच्चको फैसला कुर्ने पक्षमा छन्।
बैठकमा प्रतिनिधिसभा विघटनविरुद्ध आन्दोलनका थप कार्यक्रममा छलफल हुने जनाइएको छ।
