काठमाडाैं, मंसिर २८ः सरकारले उखुको न्यूनतम मूल्य बढाएको छ। उखुको न्यूनतम समर्थन मूल्य प्रतिक्विन्टल पाँच सय ४४ रूपैयाँ ३३ पैसा निर्धारण गरेको छ। यो पोहोरको भन्दा आठ रूपैयाँ बढी हो। गत वर्ष क्विन्टलको पाँच सय ३६ रूपैयाँ ३३ पैसा थियो।
उखुको न्यूनतम लागत तीन सय ८६ रूपैयाँ १६ पैसा, ढुवानी खर्च तथा मुनाफा ९२ रूपैयाँ ८९ पैसा सहित कुल चार सय ७९ रूपैयाँ दुई पैसा तोकिएको छ। त्यसमाथि सरकारले प्रतिक्विन्टल ६५ रूपैयाँ २८ पैसा अनुदान दिन्छ। यसरी किसानले प्रतिक्विन्टल उखुको पाँच सय ४४ रूपैयाँ ३३ पैसा पाउने गरी मूल्य निर्धारण गरिएको हो।
लागत, ढुवानी, मुनाफा, सरकारले दिने अनुदान समेत जोडेर मूल्य तोकिएको हो। कृषि तथा पशुपक्षी विकास मन्त्रालय र उद्योग वाणिज्य तथा आपूर्ति मन्त्रालयको सिफारिसमा मन्त्रिपरिषद् बैठकले उखुको मूल्य तोकेको हो। उखुको मूल्य कम भएको भन्दै चिनी किसानले भने विरोध जनाएका छन्। नागरिक दैनिकबाट
