डोटीमा जिप दुर्घटना : मृतकको संख्या चार

| 2020 Dec 06 | 11:05 am 2358

डोटी मंसिर २१ : डोटीको बोगटान फुड्सिल गाउँपालिका–७ चवराचौतारामा दिपायलबाट चवराचौताराका लागि हिँडेको म १ च ५ सय ५० नम्बरको महिन्द्रा जिप दुर्घटना हुँदा मृत्यु हुनेको संख्या चार पुगेको छ ।

उपचार गर्न लैजाँदै गर्दा अर्का एक बालकको पनि बाटोमै मृत्यु भएपछि मृतकको संख्या चार पुगेको हो । यसअघि तीन जनाको घटनास्थलमै मृत्यु भएको थियो ।

जिप सडकबाट करिब दुई सय मिटर तल खसेको छ । घाइतेको उद्धार र शव संकलनको कार्य जारी छ । स्थानीय, गाउँपालिकाका कर्मचारी र प्रहरी उद्धारमा खटिएका छन् ।

घाइतेहरूलाई उपचार गर्न दिपायल पठाइएको घटनास्थलमा उद्धारगर्न खटिएका बोगटान फुड्सिल गाउँपालिकाका अध्यक्ष कमलबहादुर गड्सिलाले जानकारी दिए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.