बारा, कात्तिक १४ः शुक्रबार प्रहरीले अवैध लागूऔषध अफिम र गाँजासहित एक जनालाई पक्राउ गरेको छ । पक्राउ पर्नेमा पचरौता नगरपालिका ३ रामनगरका २० वर्षीय बिनोद यादब रहेका छन् ।
उनलाई प्रहरी चौकी बेल्दारीबाट खटीएको गस्ती टोलीले पचरौता नगरपालिका ४ बेल्दारी टोलबाट भारततर्फ साइकल चलाई जाँदै गरेको अवस्थामा पक्राउ गरेको प्रहरीले जानकारी दिएको हो ।
शंकास्पद लागेपछि प्रहरीले उनलाई चेक जाँच गर्दा शरिरमा लुकाई छिपाई राखेको अवैध लागूऔषध अफिम २ किलो र प्लाष्टिकको झोलामा लुकाई छिपाई राखेको अवैध लागूऔषध गाँजा २ किलो फेला पारी पक्राउ गरी थप अनुसन्धान भइरहेको बारा प्रहरीले जनाएको छ।