प्युठान, कात्तिक ११: बाँदर धपाउन हानेको गोली लागेर सोमबार प्युठानमा एक वृद्धको मृत्यु भएको छ । मृत्यु हुनेमा नौवहिनी गाउँपालिका ५, डामकोटका ७१ वर्षीय वृद्ध दलबहादुर सुनार रहेका छन् ।
सोही ठाउँका ३४ वर्षीय हेमलाल सुनारले बारीमा आएका बाँदर भगाउनका लागि हानेकाे बन्दुककाे गाेली लागि नातामा काका पर्ने दलबहादुरलाई लागेको प्रहरीले जनाएको छ ।
बन्दुक हान्ने हेमलाललाई प्रहरीले नियन्त्रणमा लिएको जिल्ला प्रहरी कार्यालय प्युठानका प्रहरी प्रमुख एवं प्रहरी नायब उपरीक्षक सुनील मल्लले जानकारी दिए ।
