देवरकाे कुटाईबाट भाउजुकाे मृत्यु

रिपोर्ट नेपाल | 2020 Sep 10 | 07:31 am 2033

भाेजपुर, भदाै २५ः घरायसी विवाद हुँदा देवरले भाउजुलाई मरणासन्न हुनेगरी कुटपिट गर्दा भाउजुको मृत्यु भएको छ । मृत्यु हुनेमा टेम्केमैयुङ गाउँपालिका ५, खावाका ४८ वर्षीया भाउजु केशरमाया राई रहेका छन् । उनलाई ३५ वर्षीय देवर राजकुमार राईले कुटपिट गरेपछि  मृत्युभएको हाे ।

गत भदाै २२ गते राति घरायसी विवादमा राजकुमारले केशरमायालाई कुटपिट गरेका थिए । ज्यान जोगाउने क्रममा सुंगुरको खोरमा लडेर ज्यान गएको प्रहरीले जनाएको छ ।

रातको समय भएकाले उनको खोजी गर्दा नभेटिएपछि भोलिपल्ट बिहान २३ गते खोरमा मृत अवस्थामा भेटिएको जिल्ला प्रहरी कार्यालय भोजपुरका प्रहरी निरीक्षक प्रदीप लामाले जानकारी दिए ।

राजकुमार राईलाई प्रहरीले नियन्त्रणमा लिई अनुसन्धान थालेको छ । मृतकको शवलाई पोष्टमार्टमका लागि जिल्ला अस्पताल ल्याईएको प्रहरीले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.