सहकारी संस्थाको ५ करोड ६७ लाख ठगी गरी फरार अभियुक्त पक्राउ

रिपोर्ट नेपाल | 2020 Sep 08 | 08:06 pm 1709

काठमाडौं, भदौ २३ः काठमाडौं महानगरपालिका २१ न्युरोडमा रहेको नौलो परिवेश वचत तथा सहकारी संस्था लिमिटेडको ५ करोड ६७ लाख ठगी गरी फरार रहेका एक अभियुक्तलाई प्रहरीले पक्राउ गरेको छ ।

पक्राउ पर्नेमा कामनपा ३१ का राजकाजी खड्गी रहेका छन् । उनी सहकारी लिमिटेडको प्रबन्धक पदमा २०७० असार देखि २०७७ जेठ मसान्तसम्म ७ बर्ष कार्यरत रहँदा उक्त सहकारीको हर हिसाव तथा सहकारीको बैंक खाता सन्चालन समेतको सम्पूर्ण जिम्मा लिएका थिए ।

उक्त संस्थाको सम्पूर्ण हिसाबको विवरण नदेखाई ५ करोड ६७ लाख नगद ठगी गरी फरार भई लुकीछिपी बसेको अवस्थामा महाशाखाबाट खटिएको प्रहरी टोलीले सोमबार पक्राउ गरेको छ ।

उनलाई ललितपुर महानगरपालिका २३ धापाखेलबाट प्रकाउ गरी आवश्यक कारवाहीको लागि महानगरीय प्रहरी परिसर टेकु पठाईएको थियो ।

मुलुकी फौजदारी संहिता, २०७४ को दफा २४९ बमोजिम ठगी सम्वन्धी कसुरमा अनुसन्धानको लागि सम्मानित काठमाडौं जिल्ला अदालतवाट ५ दिनको म्याद थप अनुमति लिई अनुसन्धान भै रहेको महाशाखाले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.