काठमाडौँ, असार २१: धादिङको झारलाङ आसपास केन्द्रबिन्दु भई आज (बिहीबार) पुनः गोरखा भूकम्पको धक्का महशुस गरिएको छ।
बिहान ७:२१ बजे ४.१ रेक्टर स्केलको परकम्प गएको राष्ट्रिय भूकम्प मापन केन्द्रले जनाएको छ । यसअघि असार १४ गते धादिङको सुनौलोबजार केन्द्रबिन्दु भई ५ रेक्टरको परकम्प गएको थियो।
केन्द्रका प्रमुख लोकविजय अधिकारीका अनुसार गोरखा भूकम्पयता हालसम्म चार रेक्टर स्केलभन्दा माथिका ५०० परकम्प गइसकेका छन् ।
