काठमाडौं, साउन ३०ः नेपामा शुक्रबार थप ५ सय ९४ जनामा कोरोना भाइरस कोभिड १९ संक्रमणको पुष्टि भएको छ ।
स्वास्थ्य तथा जनसंख्या मन्त्रालयले गर्ने नियमित पत्रकार सम्मेलन मार्फत मन्त्रालयका प्रवक्ता जागेश्वर गौतमले उक्त विवरणको जानकारी दिएका हुन् ।
पछिल्लो २४ घण्टामा देशका बिभिन्न भागमा रहेको प्रयोगशालामा गरिएको परीक्षणमा ५ सय ९४ संक्रमण पुष्टि भएको हो ।
योसंगै नेपालमा संक्रमित हुनेको कुल संख्या २५ हजार ५ सय ५१ पुगेको छ ।
