काठमाडौं, साउन २५ः बाग्लुङको ढोरपाटन नगरपालिकामा कार्यरत इन्जिनियर विरुद्ध विशेष अदालत काठमाडौंमा मुद्दा दायर भएको छ ।
मुद्दा दर्ता गरिनेमा इन्जिनियर मिलन अधिकारी रहेका छन् । उनी विरुद्ध आइतबार मुद्धा दर्ता गरिएको अख्तियारले जनाएको छ ।
उनी विरुद्ध सडक निर्माण सम्बन्धी योजनामा उपभोक्ता समितिलाई भुक्तानी दिएबापत एक लाख रुपैयाँ घुस लिएको दाबीसहित अख्तियार दुरुपयोग अनुसन्धान आयोगले मुद्दा दायर गरेको हो ।
अनुसन्धानको क्रममा इन्जिनियर अधिकारीले सेवाग्राहीसँग गुजा–सिलगुम–ओखरधारा–खोलेसिबाङ सडक निर्माण योजनाको अन्तिम मूल्याङ्कन गरिदिएबापत एक लाख घुस लिएको पुष्टि हुन आएकोले उनीविरुद्ध मुद्दा दायर गरिएको आयोगका प्रवक्ता तारानाथ अधिकारीले जानकारी दिए ।