सर्पले टोक्दा सप्तरीमा एक जनाको मृत्यु

रिपोर्ट नेपाल | 2020 Aug 08 | 04:30 pm 2177

सप्तरी, साउन २४ः सर्पको टोकाइबाट सप्तरीमा एक किशोरको मृत्यु भएको छ ।

मृत्यु हुनेमा राजविराज नगरपालिका– १६ बोरिया बस्ने पवन देवका १६ वर्षीय छोरा गोलु देव रहेका छन् ।

जिल्ला प्रहरी कार्यालय सप्तरीका अनुसार घर नजिकै डुलिरहेका अवस्थामा सर्पले टोक्दा उनको मृत्यु भएको बताएको हो ।

उनलाई उपचारका लागि राजविराजस्थित गजेन्द्रनारायण सिंह अस्पतालमा पुर्याइएको थियो । थप उपचारका लागि धरान लगिने क्रममा उनको बाटोमा नै मृत्यु भएको प्रहरीले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.