काठमाडौं, असार १०ः पछिल्लो २४ घण्टाको अवधिमा नेपालमा थप ६ सय २९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले गर्ने नियमित कोरोना अपडेटको पत्रकार सम्मेलन मार्फत उक्त विवरणको जानकारी दिएको हो।
मन्त्रालयका प्रवक्ता डाक्टर जागेश्वर गौतमले दिएको जानकारीअनुसार संक्रमित हुनेको महिलाको संख्या १ सय १० रहेको छ भने पुरुषको संख्या ५ सय १९ रहेको छ।
योसँगै देशभर संक्रमितको संख्या १० हजार ७ सय २८ पुगेको छ।
बुधबार १ सय १४ जना संक्रमित डिस्चार्ज भएसँगै अहिलेसम्म २ हजार ३ सय ३८ जना संक्रमित निको भएर घर फर्किएका छन्।
अहिलेसम्म कोरोनाबाट २४ जनाको मृत्यु भएको जनाइएको छ।
